Hövzə Xəbər Agentliyinin verdiyi məlumata əsasən, Tələbə Media Savadı Təşkilatının internet asılılığı mövzusunda materiallar yayımlayaraq yazıb:

İnternet asılılığı (Internet Addiction) elə bir davranış pozuntusudur ki, burada şəxs internetdən və onunla bağlı vasitələrdən  kompüter, mobil telefon, planşet və s.  həddindən artıq istifadə etməyə öyrəşir.

Bu asılılıq o qədər güclü ola bilər ki, insanın həyatının müxtəlif sahələrinə sosial münasibətlərinə, təhsilinə, işinə, həmçinin fiziki və psixi sağlamlığına mənfi təsir göstərir.

İnternet asılılığının əlamətləri:

İnternetdən həddindən artıq istifadə: Şəxs çoxlu vaxtını onlayn keçirir iş, təhsil, idman və sosial ünsiyyət kimi digər fəaliyyətləri görməyə laqeyd yanaşır.

İnternet istifadəsinə nəzarət edə bilməmək: Şəxs internetdən istifadə vaxtını məhdudlaşdırmağa çalışsa da, buna nail ola bilmir və davamlı şəkildə yenidən internetə qayıdır.

Tərk əlamətləri: Şəxs internetə daxil olmadıqda, narahatlıq, əsəbilik, depressiya və yerində dura bilməmək kimi hallar yaşayır.

Öhdəliklərə laqeyd olmaq: Şəxs internetdən həddindən artıq istifadə etdiyi üçün iş, təhsil, ailə və dostlarla bağlı öhdəliklərini yerinə yetirmir.

Sosial münasibətlərdə problemlər: Şəxs virtual aləmdə çox vaxt keçirdiyi üçün sosial əlaqələrini itirir və ya bu sahədə çətinliklər yaşayır.

Fiziki problemlər: İnternetdən həddindən artıq istifadə bel ağrısı, göz yorğunluğu, baş ağrısı və yuxu pozğunluğu kimi fiziki problemlərə səbəb ola bilər.

Sosial təcrid: Şəxs daha çox vaxtını virtual dünyada keçirməyi üstün tuta bilər və real sosial qarşılıqlı əlaqələrdən uzaqlaşar.

Yuxu pozğunluğu: Yatmazdan əvvəl internetdən istifadə yuxu və oyanma dövrünü pozaraq yuxu rejiminə təsir göstərə bilər.

İnternet asılılığının riskləri

Psixoloji problemlər: İnternet asılılığı depressiya, narahatlıq, yuxu pozğunluqları və hətta mənfi düşüncələrə səbəb ola bilər.

Sosial problemlər: Şəxs sosial əlaqələrini itirə bilər və təcrid vəziyyətinə düşə bilər.

Təhsil və iş problemləri: İnternet asılılığı insanın təhsil və iş fəaliyyətinə mənfi təsir göstərir.

Fiziki problemlər: Bel ağrısı, göz yorğunluğu, baş ağrısı, piylənmə və həzm problemləri kimi.

Təhlükəsizlik riskləri: İnternet asılıları şəxsi məlumatlarının oğurlanması, aldadılma və sui-istifadə təhlükəsi ilə üzləşə bilərlər.

Ailə münasibətlərində pozuntular: İnternet asılılığı ailə münasibətlərində gərginlik və münaqişələrə səbəb ola bilər.

İnternet asılılığının qarşısının alınması və müalicə yolları

İnternetin istifadə vaxtının məhdudlaşdırılması: İnternet istifadəsi üçün müəyyən vaxt təyin etmək və ona riayət etmək.

Sağlam fəaliyyətlərin əvəzlənməsi: İdman, oxumaq, ailə və dostlarla vaxt keçirmək kimi alternativ fəaliyyətlər tapmaq.

Başqaları ilə əlaqə qurmaq: Ailə və dostlarla ünsiyyət saxlamaq və sosial fəaliyyətlərdə iştirak etmək.

Peşəkar kömək axtarmaq: İnternet istifadəni nəzarətdə saxlaya bilmədikdə, psixoloq və ya məsləhətçiyə müraciət etmək.

Özünüzdə və ya başqalarında internet asılılığının əlamətlərini gördükdə, peşəkar yardım axtarmaq vacibdir.

Xəbərin sonu